Arsip Bulanan: Juni 2009

DAMAI

Dikirimkan di geguritan by

DAMAI
Dening Risna Putri Y.N

Tak kangeni
Kaya wiwit biyen
Bisa dolanan
Ora wedi wira-wiri
Tentrem rasane rasane dina iku
Jaman biyen . . .
Damai iku sawise perang
Sing menang kuasa
Saiki damai iku
Dikangeni lan dienteni
Bocah-bocah
Bapak-Ibu
Simbah-simbah
Pengen mimpi kang indah
Damai . . .
Ora bisa di regani
Ora bisa di bayar karo dunya lan bandha
Mung jiwa taruhane
Nyiptaken Damai Sejahtera
Kanggo anak cucu
Mbesuk . . .

KATRESNANKU

Dikirimkan di geguritan by

KATRESNANKU
dening Nurohmi

Katresnanku marang sliramu
Saben dina saben bengi
Pikiranku kaimpi-impi
Marang sliramu

Aku tresna marang sliramu
Rasaku pangarep-arepku
Kepingin nduweni sliramu

Nanging,
sliramu ora nggatekake
Marang pikiranku
Sliramu ora pernah nduweni
Rasa tresna aku

Pandongaku,
Sliramu bisa nresnani aku

IBU

Dikirimkan di geguritan by

IBU
Dening Novia Sipa Konita Sari

Ibu matur nuwun sanget
Tresna asihmu marang kula
Gedhe lan tulus

Ibu matur nuwun sanget
Kula ngaturaken puji marang panjenengan
Sing tak tresnani ibu

Mugi mugi panjenengan panjng yuswane
Ibu kula mboten saget ngaturi napa-napa
Nanging kula aturaken donga kemawon ibu

SERAT WULANGREH

Dikirimkan di Macapat by


Serat Wulangreh kaanggit dening Kanjeng Susuhunan Pakubuwana IV. Serat Wulangreh karampungaken nalika tanggal 19 Besar dinten Ahad Kliwon tahun Dal, 1735, mangsa kawolu, windu Sancaya, wuku Sungsang.

Serat Wulangreh kadhapuk saking tembang Dhandhanggula 8 pada, Kinanthi 16 pada, Gambuh 17 pada, Pangkur 17 pada, Maskumambang 34 pada, Megatruh 17 pada, Durma 12 pada, Wirangrong 27 pada, Pucung 23 pada, Mijil 26 pada, Asmaradana 28 pada, Sinom 33 pada lan Girisa 25 pada.

Saperangan pada saking pupuh tembang  Serat Wulangreh:

  1. DHANDHANGGULA (wosipun bab tiyang gesang kedah ngudi kawruh)

Pamedhare wasitaning ati

Cumanthaka aniru pujangga

Dhahat mudha ing batine

Nanging kedah ginunggung

Datan wruh yen akeh ngesemi

Ameksa angrumpaka

Basa kang kalantur

Tutur kang katula-tula

Tinalaten rinuruh kalawan ririh

Mrih padhanging sasmita

2. KINANTHI (wosipun bab lampah dhateng saening tumindak)

Padha gulangen ing kalbu

Ing sasmita amrih lantip

Aja pijer mangan nendra

Ing kaprawiran den kaesthi

Pesunen sariranira

Cegahen dhahar lan guling

3. GAMBUH (wosipun bab pepacuh nindakaken piawon)

Sekar Gambuh ping catur

Kang cinatur polah kang kalantur

Tanpa tutur katula-tula katali

Kadaluwarsa katutuh

Kapatuh pan dadi awon

4. PANGKUR (wosipun bab awon saenipun lelampahan punika, sampun     katitik wonten tumindakipun)

Kang sekar Pangkur kang winarna

Lelabuhan kang kanggo wong ngaurip

Ala lan becik punika

Prayoga kawurhana

Adat waton punika dipun kadulu

Miwah ta ing tatakrama

Den kaesthi ing siyang ratri

5. MASKUMAMBANG (wosipun bab sesembahan ingkang wajib sinembah)

Nadyan silih bapa biyung kaki nini

Sadulur myang sanak

Kalamun muruk tan becik

Nora pantes yen dennuta

6. MEGATRUH (wosipun bab kautamaning tiyang ngawula)

Wong ngawula ing Ratu luwih pekewuh

Nora kena mingrang-mingring

Kudu mantep sartanipun

Setya tuhu marang Gusti

Dipun miturut sapakon

7. DURMA (wosipun bab pepacuh sampun ngantos maoni tuwin ndhuwuk piawoning sanes)

Dipun sami ambanting sariranira

Cegah dhahar lan guling

Darapon sudaa

Nepsu kang ngambra-ambra

Rerema ing tyasingreki

Dadi sabarang

Karsanira lestari

8. WIRANGRONG (wosing bab pangatos-atos ing pangandikan tuwin milih pawong mitra)

Den samya marsudeng budi

Wiweka dipunwaspaos

Aja dumeh bias bias muwus

Yen tanpantes ugi

Sanadyan mung sakecap

Yen tanpantes prenahira

9. PUCUNG (wosipun bab pepenget tumrap tumindak tuwin rukuning pasedherekan)

Ewuh temen babo wong urip puniki

Apan nora kena

Kinira-kira ing budi

Arang mantep wijiling basa raharja

10. MIJIL (wosipun bab awon saning narimah utawi boten narimah)

Poma kaki padha dipun eling

Ing pituturingong

Sira uga satriya arane

Kudu anteng jatmika ing budi

Ruruh sarwa wasis

Samubarangipun

11. ASMARADANA (wosipun bab wewarah tumindakipun punggawaning praja)

Padha netepana ugi

Kabeh prentahing sarak

Terusna lair batine

Slat limang wektu uga

Tan kena tininggala

Sapa tinggal dadi gabug

Yen misih remen neng praja

12. SINOM (wosipun bab tuladhaning gegayuhan)

Ambeke kang wus utama

Tan ngendhak gunaning janmi

Amiguna ing aguna

Sasolahe kudu bathi

Pintere den alingi

Bodhone dinekek ngayun

Pamrihe den inaa

Mring padha-padhaning janmi

Suka bungah den ina sapadha-padha

13. GIRISA (wosing bab wewaler tuwin pandonga dhateng para putra)

Anak putu den estokna

Warah wuruke si bapa

Aja na ingkang sembrana

Marang wuruke wong tuwa

Ing lair batin den bisa

Anganggo wuruking bapa

Ing tyas den padha santosa

Teguhena jroning nala

TRESNAKU

Dikirimkan di geguritan by

TRESNAKU
dening Nissa Quroatul Ain

Ing jero atiku….
Aku ngrasa sepi
saiki tresnaku lunga
kangge nggoleti angen-angen

aku kapengin tresnaku
cepet bali kanggo nglepasake
kabeh kasepen
aku nyadari tresnamu tresna asih marang aku

Aku nyadari aku ora bisa
Urip tanpa tresnaku….
Aku ing kene
wis mulih
ana ing tresna kang abadi…..